-
Monday, May 23, 2011
ചരിത്ര സാക്ഷ്യമായി മൂന്നാര് സിഐസ്ഐ ദേവാലയം
മൂന്നാറിലെ എലേനര് ഇസബെല് മേയുടെ കല്ലറയും സിഎസ്ഐ പള്ളിയും
മൂന്നാറില് കെട്ടിടങ്ങള് ഉയരുകയും നഗരത്തിന്റെ പരിവേഷം കൈവരിക്കുകയും ചെയ്തെങ്കിലും ഇന്നും മാറ്റമില്ലാതെ ചരിത്രത്തിന്റെ സ്പന്ദനവുമായി നില്ക്കുന്ന ചില ഘടകങ്ങള് അവിടെയുണ്ട്. അതാണ് നമ്മെ വീണ്ടും വീണ്ടും മൂന്നാറിലേക്ക് പോകാന് പ്രേരിപ്പിക്കുന്നത്. മൂന്നാറില് പഴമയുടെ ഗന്ധം നിറഞ്ഞു നില്ക്കുന്ന ഒന്നാണ് അവിടത്തെ പുരാതനമായ സിഎസ്ഐ പള്ളിയും സെമിത്തേരിയും. കേരളത്തില് തന്നെ പള്ളിയുണ്ടാകുന്നതിനു മുന്പ് സെമിത്തേരിയുണ്ടായ ആദ്യത്തെ പള്ളികൂടിയാണ് മൂന്നാറിലെ സിഎസ്ഐ ദേവാലയം. സ്കോട്ടിഷ് മാതൃകയില് മാതൃകയില് നിര്മിക്കപ്പെട്ട പള്ളിയുടെ നൂറാം വാര്ഷികം കഴിഞ്ഞദിവസമാണ് ആഘോഷിച്ചത്. മൂന്നാര് ടൗണില് നിന്ന് ഏതാനും മീറ്റര് മാത്രം അകലെയായാണ് മൂന്നാര് സിഎസ്ഐ പള്ളി സ്ഥിതിചെയ്യുന്നത്. മുന്പ് ഇംഗ്ലീഷില് മാത്രമാണ് പ്രര്ഥനകള് നടന്നിരുന്നതെങ്കില് ഇപ്പോള് മലയാളത്തിലും തമിഴിലുമുണ്ട്.പുരാതനമായ നിരവധി വസ്തുക്കള് പള്ളിയിലുണ്ട്. പഴയകാലത്തെ ബൈബിളും പിയോനോയും ചുവരിരിലെ ചിത്രങ്ങളുമെല്ലാം പോയകാലത്തിന്റെ സ്മരണകളാണ്.
മൂന്നാറിലെ തേയിലത്തോട്ടത്തിന്റെ മാനേജരായിരുന്ന ഹെന്റി മാന് നൈറ്റിനൊപ്പം താമസിക്കാനെത്തിയതായിരുന്നു ഭാര്യയായ എലേനര് ഇസൂെല് മേ. മൂന്നാറില് ചുറ്റിക്കറങ്ങാനെത്തിയ ഇസബെലും ഭര്ത്താലവും ഇന്നു പള്ളിയിരിക്കുന്ന കുന്നിന് മുകളിലെത്തി. അവിടെവച്ച് താന് മരിച്ചാല് തന്നെ ഇവിടെ അടക്കണമെന്നു എലേനര് പറഞ്ഞു.കോളറ ബാധിച്ച് അടുത്ത ദിവസം എലേനര് മരിച്ചു. ഇസെബലിന്റെ ആഗ്രഹപ്രകാരം അവരെ കുന്നിന്മുകളില് സംസ്കരിച്ചു. 1894 ഡിസംബര് 23 നായിരുന്നു ഇത്.പിന്നീട് 20 വര്ഷത്തിനു ശേഷം 1910 ലാണ് ഇവിടെ പള്ളിയുടെ നിര്മാണ പ്രവര്ത്തനങ്ങള് തുടങ്ങിയത്. 1911 ല് നിര്മാണം പൂര്ത്തിയായി. പൂര്ണമായും കരിങ്കല്ലില് നിര്മിച്ചിരിക്കുന്ന ദേവാലയം സന്ദര്ശിക്കാന് നിരവധിപ്പേരാണ് എത്തുന്നത്. കുന്നിന് മുകളിലെ സെമിത്തേരിയിലുള്ള എലേനറിന്റെ കല്ലറയും ഇന്നും നിലനില്ക്കുന്നുണ്ട്. ചെറിയ ചില കേടുപാടുകള് സംഭവിച്ചിട്ടുണ്ടെങ്കിലും കല്ലറയില് എലേനറിന്റെ പേരു തെളിഞ്ഞു കാണാം. മൂന്നാറില് പോകുമ്പോള് സിഎസ്ഐ പള്ളിയും എലേനറിന്റെ ശവകുടീരവും കാണാന് മറക്കരുത്. കാരണം അതു നിങ്ങള്ക്കു പറഞ്ഞു തരിക ഒരു കാലത്തിന്റെ ചരിത്രമാണ്.
Subscribe to:
Post Comments (Atom)
No comments:
Post a Comment